السلام عليكم

اولا بنحب نرحب بالدفعة الجديدة ونتمني ليهم االتوفيق ف اول عام جامعي ليهم و ان شاء الله تكونو موفقين ديما ف حياتكم ومشواركم الجامعي ف كليتنا الجميلة

وسنة دراسية سعيدة علي كل الفرق بالكليةودكاترتنا المحترمين

نتكلم شويه ف الانشطه اللى ف الكليه واللى هتفيد كل واحد فينا سواء أسري او ثقافي او رياضي او اجتماعي او علمي أو نشاط الجواله هتحس بالفرق حقيقي هتخرج شوية من دوامة المحضراات والمذاكرة هتحس بقيمتك وبالنشاط ال بتعمله هيحفزك اكتر علي انك تطور من نفسك واهدافك واحلامك هتحب المكان ال انت فيه واللي بتعمله هتحب كليتك هتحب تطور من نفسك وتشتغل علي ده هتحب العمل الجماعي والتطوعي هيفيدك ف دراستك ومستقبلك وحياتك عموما وحاجات كتير دا بالنسبه للكليه نجى بقا نتكلم عن حاجه تانى اللى هو احنا اسره لون حياتك

احنا مجموعه من الطلاب من جميع الفرق الدراسيه (مسلمين ومسحيين ولاد وبنات ) لينا ف الكليه 10سنين شغل داخل وخارج الكليه الاسره دى غيرت حياه ناس كتير للاحسن وهتسمع عننا كتير ف الكليه وهتشوف الشغل بتاعنا

اغلب شغلنا عن العمل الخيري والتطوعي والانشطة الطلابية ومن امثلة شغلنا (حفلات الايتام ،ذوي الاحتياجات الخاصة،زيارات لمعهدالاورام ،زيارات دار المسنين وحجات تانية كتير دا بقا خارج الكلية اما بقا داخل الكلية (حملة تحديد الفصائل، تحليل فيرس سي،ايفنت الاسعافات الاولية ،،،،

ادخل ع الاكونت بتاعنا وانت هتعرف اكتر طبيعيه العمل بتاعنا ، وهقولكم ع الأهداف بتاعت الاسره

اهداف_الاسره -

1- نشر العمل التطوعى بالكليه

2- نشر فكرة العمل الجماعى وتنمية روح الجماعه

3- بناء روح الثقة والتعاون بين الطلاب

4- تنمية مهارات الطلاب ، وزيادة مداركهم اتجاه العمل المهني

5- تحسين العلاقات داخل الكليه بين الطلاب

6- تنمية مهارات حل الصراعات والمنازعات بين الطلاب

7- الاستخدام الأمثل للموارد والإمكانات المتاحة بالكليه

8- تسعى الاسره لتقديم كافه الخدمات لخدمة الطلاب

9- تهيئة البيئة المناسبة بالكليه

10- زيادة تدفق المعلومات للطلاب عن الكليه

11-العمل الخيرى داخل وخارج الكليه

12-اقامه حفالات (لذوى الاحتياجات الخاصة &والأيتام&للاطفال المرضى )

13-تنظيم ندوات تنميه بشريه وكيفيه المذاكره وكل ما يحتاجه الطالب

ولا ننسي الشكر والتقدير للدكتوره خيرات لوقفها معنا خطوه بخطوه فهى مصدر للعمل الخيرى والتطوعى داخل الكليه ومصدر الفخر والقوه لنا جميعا جعلكى الله دائما مصدر قوتنا ونجاحنا يا دكتورتنا الفاضله

كل الشكر والتقدير لكل من ساعدنا ف انجح ماقدمنا من عمل

ازكى التحيات واجملها واندها واطيبها ترسل لكم بكل حب وود واخلاص تعجز الحروف عن كتبتها

اعضاء فريق لون حياتك انتم شباب المستقبل انتم تستحقون الكثير لما قدمتموه من اعمال رائعه خلال الاعوام الدراسيه الماضيه ترفع لكم القبعه لما بذلتم من جهد ف كل عمل

وباذن الله دائما ف تقدم مستمر

دائما لون قادره على صنع المفاجات

لو عايز تنضم لينا سجل بياناتك من اللينك دا

https://forms.gle/DrkCVixrzNP4ZMzn9

ودول بعض الصور من الشغل بتاعنا داخل وخارج الكليه

لو ف اى سؤال اتفضلوا

#لون_حياتك

#هنعشها_بالألوان

10#سنين_ومكملين